ا

الأربعاء، 9 أكتوبر 2019

تكافل وكرامه سوال وجواب عن تكافل وكرامه والتضامن-كيف اعمل Visa Card

                                       بسم الله الرحمن الرحيم 

تكافل وكرامه سوال وجواب عن تكافل وكرامه والتضامن كيف اعملVisa Card  

1-انا دخلت الرقم القومى وجانى.غير موجود واللهى ربنا إللى يعلم بحالتنا
 الاجابه لو قدمت من قريب لازم تنتظر.حتى يم التسجيل لو من زمان لازم تعمل اوراق  تانى 

2-طيب حضرتك لو جوزى معه فى البطاقة المهنة سائق. بس مش بيشتغل.وانا معايا فى البطاقة المهنة دبلوم ينفع اعمل انا ممكن الرد ضروى وشكرا لو فى حل قولى الله يخليك الاجابه سائق المهنه مش هينفع لازم ييغيرالبطاقه ثانيا هل معا رخصه اوتامين

3-لو سمحت انا كنت بقبض وقطعوا في شهر٧ال فات.ولا وظيفه ولا تامين.ولا اى حاجه ممكن اعمل ايه ارجو الرد الاجابه اعمل استعلام عن سبب الايقاف اولا فى الشون 

4-لو سمحت ممكن اعرف فيزا تكافل وكرامه.اتصرفت ولا لسه
الاجابه لسه جاري الترتيب في جميع المحافظات.حتى يتم التسليم خلال أيام

5-هو ليه حضرتك اللى بيسافر ده بيتلغى كل حقوقه فى بلده يعنى اللى مسافر.يتشال من التموين ويتشال من تكافل وكرامة ويتلغى كل حقوقه فى بلده طيب والله العظيم انا جوزى بيسافر ووقفه الفيزا وظروفه ذى الزفت الحمدلله على كل حال اعمل ايه والله العظيم.محتاجة القبض ده ياجماعة صدقونى نفسى حد يقرا رسالتى ويحس بيها مش كل اللى بيسافر بيقبض١٠٠الف جنية فى الشهر.ذى ما انته متخيلين ياااااما ناس بتسافرويتنصب عليهم. ويااااما ناس بتسافر والدنيا بتلطش معاها وبتتقفل فى وشها وكمان بلدها تكمل عليها وتسلب كل حقوقها والله حرام وتمنعها من كل حاجة انا بشر ضعيف ومحتاج لما احس ان بلدى بتحرمنى من حق مش هبقى عليها اسفة للاطالة بس ارجوك رد عليا فى سوالى ليه اللى بيسافر بتكرهو يرجع بلده لما تاخده من كل حقوقه

الاجابه يافندم اللي في مصر وعامل تأمين حر بمعنى انه مؤمن على نفسه من غير ما يكون بيشتغل وبيدفع شهريا٤٠جنيه بيتم إيقافه وحضرتك زوجك مسافر. يعني يعني تأشيره يعني مدفوع مبلغ فيها كبير وتمن الطياران ازي بقى هتبصو ل٤٠٠جنيه ده قانون واللي بيسافر اكترمن٦شهور خارج مصر يقف من التموين لوحده ولكن الاسره بتصرف وبنسبه لتكافل مجرد خروجه من المطار بيتم الإيقاف تحياتي واسف لزعل حضرتك

6-لو سمحت لو عربيه موديلها من اربعون سنه واحنا بعناها بتوكيل.والي اشتراها مسجلش هي لسه باسمنا واحنا مش عارفين نشلها من المرورعلشان احنا مش معانا ورق يسبت.علشان اجنا مش عارفين عنوان الراجل الي اشتراها هل لوعرفنا نجيب التوكيل من الشهرالعقاري اعمل تضلم علشان وقف الفيزا الاجابه لازم توصل للي وخد السياره لان كده خطر.عليكم ولازم يتم استبدل الاسم في المرور لان بيتم البحث عنك عن طريق المرور واسمك موجود ان عندك سياره

7-عامل عملية قلب مفتوح ودخلت لجنة طبية 15/11/2018واللجنة طلعتلي قرار؟يستحق طبيا وكل مااستعلم يقولي جاري البحث والى الان لم استلم الفيزا.مع العلم اني استلمت بطاقة الخدمات المتكاملة الاجابه اطمن جاري البحث الفتره الطويله دي .وكمان استلمت بطاقه الخدمات المتكاملة يبقى كده هتستلم الفيزا خلال الأيام القادمه

8-انا كشفت 10/2 اللي فات وانكتبلي مستحق بس انا كنت مقدم من زمان انا ومراتي بس انكتبلنا خارج نطاق الفقر وبعدين واحد قالي اعمل كمسيون طبي.وعملت ونجحت في الكشف الطبي نعمل ايه علشان نقبض الاجابه تعمل استعلام عن اسمك في الشون تعرف هل جاري البحث اولا

9-لو سمحت انا كنت بقبض تكافل وكرامه.لمده سنه وبعد كدا وقفت وسألت قالو جوزك معاه ارض زراعيه عملت تظلم لان معندهوش. وكان تشابه في الأسماء عملت اكتر من اربع تظلمات لحد دلوقتي ولسه مجتش بقالها سنه علي هذا الحال طمني لو سمحت الاجابه لازم تتاكد من سبب الايقاف.اولا و تفكر ايضا هل فى سبب تانى لان الجهاز الكمبيوتر مش بيظهر غير سبب وحد وممكن يكون عندك اكترمن سبب لازم تفكرانت كمان .عن اى سبب  تانى اتسبب فى الايقاف وتجيب كل الاوراق 

10-السلام عليكم انا عملت كشف من اسبوع واستعلمت عن النتيجه من النت قال لى تم الكشف هل بكدا حتشتغل الفيزا يعنى ممكن اصرف بها الكام شهر.اللى كانت واقفه فيه ولا لا لانى لم اعرف الا النهارده من النت وهو صحيح بيظهرالرقم السرى الجديد فى الاستعلام .ولا لا لان فى حالات عندنا راحو مركز نت واخدو الرقم الجديد وصرفوا فورا وشكرا مقدما وجزاكم الله خيرالاجابه حضرتك لو معك كرامه او تضامن وتم الايقاف وكشفت جديد وسلمت الاوراق فى الشون تنتظر من شهر الى شهرين وللاسف مفيش اثر رجعيى هتخد بس الشهر اللى هتصرف في

11- متى سيتم توزيع فيزا لمعاش كرامه الاجابه الوحدات بتستعد خلال فتره بسيطه هيتم التوزيع

12-انا قدمت علي تكافل من 6-8-2018 ثما اني مريد قلب وعمل اكثر من عملية فوجئة انهم عملين لي بطائة الخدمات المتكملة تلكائي ولم يعملو لي معاش تكافل وانا لا اخز اي.معاش ولاعندي اي عمل عمري الان63عام والا عندي اي دخل وكل ماجي اعمل تظلم ياقول لي لا يجوز تظلم لي حالت مستحقة طبيا الاجابه حضرتك كشفت كرامه قمسيون طبيى صح وطلع لحضرتك بطاقه الخدمات المتكامله يبقى كده تنظرة حتى يتم استخرج فيزا كرامه وللتاكيد روح الشون اعمل استعلام برقم بطاقتك لو جارى البحث تنتظر حتى استخرج الفيز ا قريبا

13-لو سمحت انا بتعالج من الغده نشاط والتهاب.عندي بقالي سنه رحت قدمت في معاش كرامه الدكتور كان كلاموكويس وطمني وقلي تبعينا بس للأسف اترفض ليييه الاجابه اولا الغده لها علاج ثانيا القبول الطبي حاجه وقبولك علي سيستم التضامن في انك تستحق حاجه تاني

     تابعونا على الموقع حتى تجد الاجابه عن كل سوال وقريبا هيتم نشراسماء                                               ونتيجه تظلمات تكافل وكرامه 

                               السلام عليكم ورحمه الله 

0 comments

إرسال تعليق