كيفية الحصول على سيارة معفاة من الجمارك للمعاقين والامراض فى جمهورية مصر العربية

  بسم الله الرحمن الرحيم

كيفية الحصول على سيارة معفاة من الجمارك للمعاقين والامراض فى جمهورية مصر العربية

اول حاجة لازم نعرفها أن خلاص القانون القديم بح يعنى السيارات مش للاعاقات الحركية فقط بل للعديد من الاعاقات هتذكر لاحقا فى الموضوع طبقا للقانون الجديد  قانون رقم 10لسنة2018

يعنى اللى فات حاجه واللى جاى حاجه تانى خالص 
لابد من توافر عدة شروط كى تحصل على السيارة لمعفاة من الجمارك
1-ان تكون بطاقة الرقم القومى ساريه
2-ان يكون لديك بطاقة خدمات متكاملة سارية مامعكش بطاقة خدمات يبقى ماينفعش تقدم
3-تقاريرطبية باعاقتك واشعات وتحاليل ورسم مخ ورسم عصب ورسم عضل كل الفحوصات الطبية التى توضح اعاقتك جليا لهيئة القومسيون الطبى وتكون بتاريخ حديث لايتعدى ثلاثة اشهر
ماتروحش بدون اوراق طبية وماتروحش بتقرير بس بدون فحوصات عشان ماترجعش ع الفاضى روح وانتا موقفك قوى معاك تقارير طبية اشعاتك تحاليك سلطاتك بابا غنوجك
واقرا ده الموضوع مهم جدا اى قومسيون طبى فى الدنيا هو جهة لعرض حالتك والتحقق مما تعرضة عليهم وليست جهة كشف جهة الكشف هى مستشفى فالناس اللى تتعرض على قومسيون طبى يكون معاهم اوراق مستوفيه وتفصيلية لاعاقتهم اوعاهتهم اوامراضهم المزمنة اوراق قديمة ويفضل ايضا يكون معهم اوراق حديثة كى لايوجل قرارالقومسيون لحين استكمال الاوراق
اوترفض الحالة لعدم وصولها لدرجة الاعاقة اوالعجز الجزئى اوالكلى لعدم توضيح الاوراق لهذا بدرجة كافيه
قومسيون طبى يعنى تحضر كل اوراقك مستوفيه كل التفاصيل للاعاقتك وخاصة للاعاقات الغير ظاهره ذى مثلا مشكلة فى القلب عيب خلقى فى المخ وخلافة
وخدعوك فقالوا طالما الاعاقة ظاهرة يبقى ماتاخدتش اوراق معاك ويبقى موقفك على كف عفريت و90%من الناس اللى مابتاخدش اوراق بيعملوا اعادة مناظره
ومش معنى ان200 واحد ماخدوش منهم اوراق ان يبقى دة نظام يحتذى به ويستمر على طول
فالاصل فى العرض على القومسيونات الطبية هو عرض اعاقتك بالمستندات وليس كل حالة خاصة تبقى حالة عامة ونظام يحتذى به ويتمشى عليه 

هيئة القومسيون تريدك ان تحضر اوراقك جيدا حتى لو مش هتستلمها منك فارجو عدم الانجراف وراء وهم عدم تحضير الاوراق
يعنى انسى القانون القديم وركز فى القانون الجديد

اساس العرض على قومسيون الطبى للحصول العربية
افهم القومسيون عايز اية هتعرف تحضر اوراق 

اية هو القومسيون اصلا عايز يعرف اية عايز يعرف كذا حاجه
اولا هل اعاقتك دة ترتقى للحصول على سيارة معفاة من الجمارك ام لايعنى هل نسبة عجزك35%او اكثر ام لا
ثانيا هل لو خالك تسوق العربية هتكون سواقتك من خلال تاثير اعاقتك امنة على نفسك وعلى اللى راكبين معاك ام هتكونوا فى خطر ولا لاهتحضر الاتى
1-الفحوصات الطبية اللى بيها تقول ان اعاقتى كذا وتفاصيلها كذا بحيث توضحها توضيحا جليا لهيئة القومسيون
الفحوصات دة ممكن تكون أشعة عادية وتحليل اورسم عضل اورسم عصب اورسم مخ اختبارات نفسية اشعة مقطعية اشعة بالرنين اوختبار ذكاء وخلافة وخلافة حسب ما يستلزم لكل اعاقة
واللى يدلك بالظبط على ما هى هذة الفحوصات الطبيب اللى هيكتب التقرير 
تقولة انا هتعرض على قومسيون اية الفحوصات اللى اعملها عشان توضح اعاقتى وعشان اجيبهالك تكتبلى التقرير على اساسها
2-لوانتا بتعرف تسوق تحط مع الاوراق الطبية صورة من رخصة القيادة الخاصة بك عشان توضح للقومسيون انك بتعرف تسوق ودة هتخلى الكفة الارجح انة يخليك تسوق بنفسك
3-لواعاقاتك متعددة تعمل لكل اعاقة الفحوصات والتقرير الخاص بها
4-باقى الاوراق المستندية الغير طبيه المطلوبة للعرض على القومسيون
لو نفذت دة مش هتعمل اعادة مناظرة ناس كتير بتعلم اعاده  مناظره نظرا لاستعجالهم وسربعتهم على الحجز قبل ما يفكروا يحضروا اوراقهم ولو عملت اعادة مناظرة اعرف انك مانفذتش كلامى ده 
الاوراق المطلوبة
اصل بطاقة الرقم القومى وصور منها واصل بطاقة الخدمات وصورمنها وكل الاوراق الطبية طبعا
مبلغ650جنية لوهتدفع فيزا او683كاش ودة بيكون اول مرة بس بعد تطبيق قانون رقم10لسنة2018لاول مرة بعد كدة مابتدفعش فلوس 
وجواب فك الحظرفى حالة الحصول على سيارة سابقا و4صور شخصية حديثة4*6 واصل الموهل الدراسى ان وجد
اصل بطاقة الوصى اوولى الامر فى حالة المعاق القاصراوغير كامل الاهلية بسبب طبى
صورة الحجز من ع الموقع ودوسية بلاستيك مفتوح
ماتنساش تكون هناك فى القومسيون صباحا من الساعة 8ماينفعش تروح متاخر
ثم تحجز كشف من على الموقع المخصص لازم تحجز من على كمبيوتر كمبيوتر متصل بطابعة بلاش موبيل لايفضل موبيل هتلاقى مشاكل لما تسجل بموبيل أدينا بنقول ماتسجلش من خلال موبيل لينك الموقع اضغط هنــــــــــــــــــا
مثلا حد عنده جلطة فى المخ وعندة شلل اطفال يبقى تحجز ذهنية مش حركية
الضرير والاشمل هيكون ذهنية وليس حركية
مثلا حد عنده ضمور فى خلايا المخ وعندة القلب يبقى تحجز ذهنية مش قلب
مثلا حد عنده فقد عين وعنده سرطان يبقى تحجز بصرية مش أمراض دم
اى حاجة فى الراس هيكون لها الاولولية والعمومية اعاقة سمعية دة فى الراس لها الاولولية والعمومية عن غيرها وهكذا اعاقة بصرية وهكذا اعاقة سمعية

حجز السيارات له مواعيد ياولاد بتقول اية بقولك حجز السيارات بقى له مواعيد يا ولاد
المواعيد كالاتى الاحد-الاثنين-الثلاثاء-الاربعاء-الخميس من الساعة الواحدة ظهرا وحتى اكتمال عدد اللجنة باستثناء العطلات والاجازات الرسمي
نقاط هامة جدا بخصوص موقع حجز كشف طبى للسيارات
سوال انا حجزت بس مش عارف اجيب الاستمارة
اجابه ادخل على الموقع ده جيب الاستمارة بكتابة الرقم القومى فقط هنــــــــــــــــــــــــــــا
سوال انا عايز اعدل ميعاد الكشف اواعدل القومسيون او اعدل الجمرك
اجابه ادخل على الرابط دة واكتب الرقم القومى والباسورد طيب هتعدل امتى وقت فتح مواعيد للاعاقة المحول اليها و ليس المحول منها اضغط هـــــــــنا
سوال انا عايز احجز كشف سيارة اعمل اية
اجابه احجز من على اللينك دة وقت ما الموقع يفتح مواعيد اضغط هـــــــــــــــــــنا
عايزك تتعلم تحجز عشان تعرف تحجز لنفسك ولحبايبك ودلوقتى الموقع بقى له مواعيد محددة بيفتح فيها الساعة1ظهرا
دة الموقع اضغط هــــــــــــنا
قبل اى حاجة عايز اعرفهالك انك لازم تشيل هيستورى التصفح اوتاريخ التصفح عشان لو حجزت مرة لحد من حبايبك مش هتعرف تحجز تانى لحد من حبايبك اوليك
هتقولى اشيلة منين وازاى هقولك بيختلف الموضوع من متصفح لاخر المهم تدلت او تمسح الهيستورى للمتصفح
هتقولى طيب قولى اعمل ايه هقولك اسال اى حد بتاع كمبيوتر
او سطب متصفح جديد وريح دماغك طالما مش عارف تشيل الهيستورى يعنى تبقى تحزف الجوجل كروم او الفير فوكس بعد كل تسجيل وتنزل تانى
اول حاجه ادخل الرقم القومى ارقام انجليزى ثم اضغط انتر وسيب كل الخانات فاضية وانزل جرى على انواع الاعاقات واختار الاعاقة ثم القومسيون ثم الميعاد لو لقيت مواعيد فاتحة كدة تمام وذى الفل كمل بقى بياناتك براحتك بقى نكمل كتابة البيانات
ثانى حاجه هندخل الان رقم بطاقة الخدمات المتكاملة واللى كلهم او معظمهم بتبداء ب507810000وبعدها تكمل باقى الرقم
ثالث حاجه هاتلى بقى وش بطاقة الرقم القومى واملالى الخانات الاتية الاسم رباعى او خماسى اخر خانة ممكن تكتب فيها اسمين
والعنوان اللى فى البطاقة ومحافظة السكن ومدينة السكن
رابع حاجه هاتلى بقى ظهر البطاقة واملالى الخانات الاتية الحالة الاجتماعية ووظيفة سيادتك اكتب رقم موبيلك فى الخانة المخصصة لذلك واكتب اسم الجمرك اللى هتجيب العربية عليه
خامس حاجه هتعمل علامة صح على انا لست برنامج ريبوت هيظهرلك يجى12صورة ويقولك مثلا فين اشارات المرور اللى فى الصورة دة بالنجليزى طبعا .هتروح معلم له على علامات المرورثم تضغط
سادس حاجه حفظ البيانات هيظهرلك بعدها ملف بى دى اف فية بيانات التسجيل حملة على جهازك واطبعة لوعندك طابعةااو حطة على فلاشة لو عندك فلاشة وروح بالفلاشة السيبر اطبعة او ابعتلة على ايميلك وابقى افتح ايميلك من السيبر واطبعه او روح السيبر وابقى وادخل هنا واعمل شغلك دة اضغط هنـــــــــــــــــــا
حملة واطبعة هناك
ملحوظة بخصوص الوصى و وصاية لعدم بلوغ السن القانونى ودة مالوش دعوة بالمرافق سواء المرافق هيبقى الوصى او احد اخر
الخانات دة مابيتكتبش فيها غير بيانات الوصى فقط لومفيش وصى بتسيبها فاضيه وماتكتبش فيها بيانات المرافقاهم ما فى الورقة دة اكلمة السر دة اللى هتعرف منها النتيجة بعد كدة وكدة انتا حجزت مبروك
سابع حاجه بعدها انتا روحت كشفت وبعدها ب بشهر ونصف طلعت النتيجة وعايز تعرفها
هتدخل على الموقع ده نكتب الرقم القومى وكلمة السر اضغط هنـــــــا
هتظهرلك ملف بى دى اف حملة على جهازك وافتحة واقر وهتلقى اة نجحت
اطبع النتيجة فى اى سيبر وبعدها ب40يوم اتحرك للجمرك
حاجات منسية فى موقع حجز العربيه 
كثير بينسوا يملئوا خانة الحالة الإجتماعية اوخانة مدينة السكن ويدوس تسجيل والموقع مايسجلش معاه طبعا عشان ناسى خانة ما بتكتبش فيها البيانات ويقولك الموقع ماطلعش الاستمارة ليه دة انا حجزت وهولاحجز ولاحاجة وبيضحك على نفسه 
تعديل موعـد الكشف الطبى للسيارات شروط التعديل من على موقع السيارات 
لازم يكون الميعاد عدى
لازم تكون ماحضرتش الكشف
هتعدل فى اللحظات اللى يفتح فيها الموقع الاعاقة المحول اليها 

كدة تقدر تعدل الميعاد لاى موعد لاحق اونوع الاعاقة من حركية الى سمعية مثلا اوالقومسيون اذا كان القاهرة اوهتعدل الاسكندرية اواسيوط
اوالجمرك بورسعيد الى السويس مثلا اوالاربعة كلهم
طيب هعدل ازاى هقولك ركز معايا هتدخل على ايقونة تعديل الموعد هيظهرلك مكان تدخل فية اسم المستخدم وكلمة المرور

بعدها تدخل على ايقونة تعديل موعد الكشف الطبى وتعدل الاربع خانات براحتك جمركا او قومسيون اواعاقة او موعد
وبهد كدة تدوس انا لست برنامج ريبوت ثم حفظ ثم تنتظر ان الملف البى دى اف يظهر امامك بالتعديلات الجديدة
وتعدل من على كمبيوتر سيبك من الموبيل اضغط هنــــــــا
لو جالك خطا لا يوجد لهذا المواطن بطاقة موثقة لدينا يبقى انت كاتب نوع اعاقة مش موجوده
الاعاقات المدرجة حتى الان هى
1-اعاقة حركية
2-اعاقة بصرية
3-اعاقة سمعية
4-اعاقة ذهنية
5-الاضطرابات النفسية وصعوبات التعلم وفرط الحركة
6-امراض الدم مثل سرطان
7-امراض القلب
الاعاقة الحركية والبصرية والذهنية بيكون مقفول الحجز ليهم معظم الوقت فان كانت اعاقتك من الثلاث اعاقتك دول فترقب الموقع اول مايفتح أحجز على طوال وعلى الأرجح ممكن الحجز من11صباحا إلى4عصرا فى احد اوعدة ايام فى الاسبوع
اما الاعاقة السمعية والاضطرابات النفسية وامراض القلب وامراض الدم فبتبقى متاحة معظم الوقت
لمزيد من التعليمات والتفاصيل اقرا اللى فى اللينك دة اضغط هنــــــــــا
لمعرفة القانون الخاص بهذا اقرا اللينك دة اضغط هنـــــــــــا
المجالس الطبية المتخصصة 
للاستعلام عن كشف السيارة والتواصل مع المجالس
تليفون02/22641700خدمة النداء الالى اوايميل[email protected] اوفاكس0223810420
ارقام تليفونات المجالس الطبية المتخصصة0223810453/0223810421
العنوان101شارع الصحةالحي السادس مدينة نصرالقاهرة 

على فكره قومسيون طبى الاسكندرية اشتغل اعاقة حركية وذهنية فقط
وقومسيون طبى اسيوط اشتغل اعاقة حركية وذهنية فقط
المجالس الطبية المتخصصة بالقاهرة شغالة كل الاعاقات
بعد ما بتحجز ببياناتك بتحصل على اسم مستخدم رقمك القومى كلمة مرور بيظهرها لك الموقع
من خلالها بتعرف النتيجة للكشف من المفترض بعد21يوم وقد تتاخر قليلا من اضغط هنــــــا
طيب قرارالقومسيون بيكون عبارة عن اية بيكون عبارة عن الاتى
يستحق سيارة اولايستحق سيارة اوهل يستحق سيارة عادية او يستحق سيارة مجهزة بتجهيز كذا
هل يستطيع القيادة بنفسة اولابد من مرافق المرافق بيتحدد عن طريق المرور مش القومسيون
اوتكون النتيجة اعادة مناظرة للعرض مرة اخرى على القومسيون
الجمارك المدرجة بالموقع
جمرك ببورسعيد جمرك الاسكندرية جمرك دمياط جمرك شبين الكوم جمرك السويس جمرك مدينة نصر
بتجيب العربية اما عن طريق حد انتا عارفة برة مصر يرسلك عربية للجمرك اللى اختارة او بتتعاقد مع احد الشركات الموثوق فيها
ملحوظة متاح لذوى الهمم من القصر اقل من18عام انة يحصل على عربيةاوحد من اقاربة الدرجة الاولى يسوق له
خدمة جديدة تقدمها المجالس الطبية المتخصصة وهى خدمة الشكاوى والاستفسارات
اسال المجالس الطبية واستفسرعن اي شى يخص
العلاج علي نفقة الدولة اواستفسارعن الكشف الطبى للسيارات المعفاه من الجمارك والضرائب استفسار عن الكشف الطبى للحصول على معاش كرامه تسجيل الاستفسارات والشكاوى اضغط هنــــــــا
متابعة الرد على الشكاوى والاستفسارات اضغط هـــنـــــــــا
 حاجه مهمه المرافق اما بيكون قريب من الدرجة الاولى اب/ام/ابن/بنت/زوجة/زوج
اقرا الموضوع ده سيارة بمرافق يقودها احد ذويه تعليمات جديده وصلت لادارة المرور بخصوص ترخيص السياره بمرافق من الدرجه الاولى مابقاش يتكتب اسم الشخص و لكن بيتكتب يقودها احد ذويه او يقودها احد اقارب الدرجه الاولى 
و دا معناه ان اي حد منهم ممكن يسوق و دا طبعا احسن من تحديد شخص و احد للسواقه بمعنى ان الشخص صاحب العربيه اولاده كلهم يقدروا يسوقوا وزوجته كمان و والده ووالدته كمان بردو
و لكن يراعى حاجه صغيره وبسيطه و هي مستند اثبات درجة القرابه ايه خفت ليه مفيش حاجه خالص الرخصتين هيثبتوا الكلام دا بس دا في حالة الاب للابناء او العكس انما الام تخلي معاها شهادة ميلاد بنتها او ابنها صاحب العربيه والابن اوالابنه إللي هيسوقوا عربية والدتهم يخلوا معاهم شهادة ميلادهم بردو والزوجه اللي هتسوق لازم تتاكد ان اسم زوجها مكتوب في بطاقتها
و الزوج اللي هيسوق عربية مراته لازم يخلي معاه بطاقتها اللي مكتوب فيها اسمه اعمل بدل فاقد وخليها في محفظتك
تجربتي مع ترخيص سياره بمرافق النهاردة من مرورالزقازيق الورق وصل للمرور بعد45يوم بالتمام و الكمال ودى المصاريف بالتفصيل ورقه فحص10جنيه وتسجيل الفحص على الجهاز190جنيه وطفاية302جنية وورقه بيانات10جنية وملف ب260جنيه وصل تامين ب325جنيه وضريبة للعربيه3سنين ب3750جنيه ونموذج52ب195جنيه وشوية ورق ب30جنيه يعني الاجمالي كله5077جنيه
والدي هوالمرافق ليا فتم اخذ منه صورتين بطاقه صورتين رخصه وتم كتابه اسمه في الرخصه
ملحوظه ياجماعه لو ملكش حد في الترخيص يعديك من تفييم الزجاج روح لحد كويس قبل الترخيص وخليه يشلهولك
النهاردة مهندس الفحص مرضيش يسجلي غير لما شلنا التفييم ولازم تعرف اللي ينفع يكون مرافق ياجماعه هما
الاب والام والزوج والزوجه والاخ دول برخصه خاصه غير كدا لازم يكون معاه رخصه مهنيه ونفس الاقامة 
اللى بيحدد من هو اللى هيكون مرافق المرور وليس القومسيون هذا طبعا بعض عرض ذوى الهمم اقتراحة او اقتراحاته على المرور
لو جيبت عربية اكتر من1600ccبتدفع فرق الجمارك
ملحوظة لو ما معكش فلوس جاهزة وعايز تشترى سيارة بالقسط
اقرض من بنك ناصر للسيارة اضغط هنــــــــــــــــــــــا
ملحوظة سعر العربية اللى نقدر نقول عليها عربية كل بيتراوح بداية من55الف تقريبا معاك لحد مليون جنيه وكل وحد على اد دمة
قيمة الجمارك بتكون3%من ثمن العربية بند رسم تنمية موارد
فى خبر مهم الجيش بدء فتح مواقع لبيع السيارات وسوف يتم البيع من شهر2021/7وسيبدا بمدينة بورتوفيق وبداوا بالفعل فى تدريب الناس اللي هنشتغل في الموضوع دة وهيتم تغير نظام انهاء اجراءات السيارات بعمل توكيل للمستخلص الجمركي
المستندات المطلوبه لتجديد قرار الحصول علي سياره بعد انتهاء مدة الجواب
دون شراء السياره المجهزه طبيا لذوي الاعاقه
اخطار افاده من الجمرك معتمد ومختوم بختم شعار الجمهورية
اصل بطاقة الخدمات المتكامله و3صوره منها واصل بطاقة الرقم القومي ساريه وصحيحه و3صوره منها وعدد5صور شخصية
رسوم الكشف الطبي المقررة دوسية بلاستيك

السلام عليكم ورحمه الله