شروط الجمع بين معاش الموظفين والمعاش المورث وشروط تكافل وكرامه

بسم الله الرحمن الرحيم

شروط الجمع بين معاش الموظفين والمعاش المورث وشروط  تكافل وكرامه

الجميع بين معاشين الموجوده فى  قانون ذوى الاحتياجات الخاصه رقم10لسنة2018 من اللائحة التنفيذيه لذات القانون يقصد بيها المعاش الموروث عن الوالد اوالوالده او نفسك وعن الزوجه والجمع بين راتب الوظيفة الشهرى ومعاش الوالد المتوفي لكن تكافل وكرامه لا يجمع مع المعاش التامينى الموروث اوراتب الوظيفه الشهرى علشان دى مساعده اومعونه للاسره التى ليست له دخل ثابت نهائى وملهوش زيادة سنويه عكس المعاش التامينى الموروث له زيادة سنويه على حسب تحددها هيئه التامينات والمعاشات الاجتماعية مرفق صورة المواد يجمع بين معاشين بدون حد اقصي بعد تقديم جميع الاوراق المطلوبه والعرض على قومسيون طبى بمعرفه هيئه التامينات والمعاشات الاجتماعيه مرفق4صورة للمواد التي توضح ذلك
ثانيا تحديد انك مستحق اوغير مستحق تقررها لجنة التامينات والمعاشات الاجتماعيه 
هتاخد نسبة الباقيه لو كان لك شركاء في المعاش زى الام اواخوات هتاخد بالكامل لو مفيش شركاء معاك في المعاش 
ثالثا لوكونت بتاخد تكافل وكرامه وتقدمت على معاش الوالد المتوفى هتاخد واحد فقط المعاش التامينى الموروث عن الوالد المتوفى ويقف تكافل وكرامه او الضمان الاجتماعى

شروط الجمع بين معاش الموظفين والمعاش المورث 
 ينفع البنت تاخد معاش والدها المتوفي ايوه
طيب لو كانت موظفه ينفع برضه ايوه
حتي لو كانت

متزوجه لا لازم تكون انسه او مطلقه او ارمله بس 
طيب الموظفه دي بتاخد مرتب ازاى هتاخد مرتب ومعاش مع بعض اقول لحضرتك 
في الحاله دي بنشوف مرتب الابنه كام ومعاش والدها كام لو كان مرتبها اكبر من معاش والدها مينفعش تاخد المعاش ولو مرتبها يساوى معاش والدها برضه مش هينفع تاخده اما لو مرتبها اقل من معاش والدها هنا هتصرف الفرق بين مرتبها وبين المعاش يعني ايه افهم حضرتك 
يعني لو مرتبها مثلا٥٠٠جنيه ومعاش والدها١٠٠٠جنيه مش هتصرف المعاش كله لكن هتصرف منه٥٠٠جنيه  بس اللي هوالفرق بين مرتبها ومعاش والدها
طيب ازاى التامينات بتعرف المرتب بتاعي حضرتك لما بتروحي تقدمى علي معاش والدك بتقدمى معاه ورقه اسمها بيان مفردات مرتب بتطلع من محل عملك بيكون مكتوب فيها مرتبك بالكامل

طيب لو الابنه دى موظفه بتاخد مرتب وفي نفس الوقت ارمله  بتاخد معاش زوجها المتوفي ينفع برضه تاخد معاش والدها ايوه ينفع
طب ازاى اقول لحضرتك
هنا لما بتقدم على معاش والدها قولنا انها بتقدم بيان بمفردات مرتبها وكمان بتقدم بيان بمعاش زوجها المتوفى وبنجمع الاتنين ونشوف لوهما قد معاش والدها اواكبر منه خلاص مش هتصرف معاش والدها اما لو كانوا اقل منه بتصرف من المعاش الفرق بينهم بس زى ماشرحنا فوق 
طيب الارمله اللي كانت بتاخد معاش زوجها المتوفى تزوجت مره اخرى واتوقف صرف المعاش بتاع زوجها المتوفى لواتطلقت من زوجها الاخير ينفع ترجع تاخد معاش زوجها المتوفى لا للاسف مينفعش ترجع تاخد معاشه تانى 
طيب لو الموظفه دى علي المعاش اصلا وبتاخد معاش من شغلها ينفع تاخد مرتب والدها  ايوه 
وبرضه بنعمل زى ماعملنا فوق بنشوف الفرق بين معاشها وبين معاش والدها ونعمل زي ماشرحنا 
طيب المطلقه طلاق رجعى بتستحق معاش والدها لا لازم يكون الطلاق بائن 
يعني ايه طلاق بائن يعني سيده زوجها طلقها وانتهت فترة العده دون رجوع فاصبح الطلاق بائن
طيب هنا المطلقه بتصرف المعاش من تاريخ الطلاق ولا من تاريخ انتهاء فترة العده  بتصرف من الشهر التالي لحدوث الطلاق مش من تاريخ انتهاء فتره العده 
طيب لو المطلقه اللى بتاخد معاش والدها وتزوجت مره اخرى  طبعا هيتوقف صرف المعاش لواتطلقت من زوجها التاني ينفع ترجع تاخد معاش والدها ايوه ينفع طبعا
طيب انا سمعت ان المطلقه بالخلع اوبالمحكمه مينفعش تاخد معاش والدها صح الكلام ده لا طبعا مش صحيح المطلقه بالخلع او بالمحكمه زيها زى المطلقه عند الماذون من حقها تاخد معاش والدها 
طيب ينفع الابنه تجمع بين معاش والدها ومعاش والدتها ايوه مفيش مشكله خالص وكمان بدون حد أقصي 
طيب نصيب الابنه دى من معاش والدها قد ايه يعني من حقها المعاش كله ولا جزء منه اقول لحضرتك 
لوالبنت دى لوحدها مفيش غيرها هتاخد تلتين المعاش ولو كان معاها والدتها اللي هى ارملة صاحب المعاش ومفيش اخوات تانى يبقي البنت هتاخد النص والام النص ولو البنت معاها اخوات تاني مستحقين والام مش موجوده بيتم تقسيم المعاش بين الاخوات بالتساوى ولو البنت معاها ام واخوات وجد وجده اللي هما والدي صاحب المعاش المتوفي يبقي الام هتاخد التلت والبنت واخواتها هياخدوا النص والجد والجده يشتركوا في السدس 
طيب المطلقه دى بتصرف المعاش من تاريخ تقديم طلب للتامينات ولا من تاريخ الطلاق بتصرف من الشهر التالى لوقوع الطلاق 
طيب لو المطلقه دى مكانتش تعرف ان ليها حق تصرف معاش والدها وعرفت بعد كده ينفع تقدم ولا خلاص راح عليها 
ينفع طبعا وليها الحق تصرف جميع الشهور السابقه كمان وبيسموه المتجمد وده بحد اقصي خمس سنين سابقه فقط يعني بتصرف المعاش  باثر رجعي لحد خمس سنين عدت مره واحده