الخميس، 16 ديسمبر 2021

طريقة التامين على نفسك لوحدك من غيرشركة

بسم الله الرحمن الرحيم

طريقة التامين على نفسك لوحدك من غيرشركة

 ولا تكون صاحب عمل وتطلع على ال٦٠بمعاش ومكافاة
١-اول حاجه لازم يكون متاكد انك مش متامن عليك عن طريق برنت بالرقم التاميني 
٢-علشان تامن على نفسك لوحدك عندك حاجتين ملهموش تالت يتكون بمهنه اوغيرمهنه  والاثنين لازم كعب عمل من مكتب العمل
المهنه هتروح لمكتب العمل ويشوفوا قياس المهارة وتروح البوسطه وشوية اجراءات بسيطة دا لوانت مثلا كهربائي-سباك-فنى-ميكانيكي وبيكون الاشتراك اعلى سنه من العادى بيبتدى من١٤٥جنية دلوقتى فى هذا التاريخ١٠-٢٠٢١
اما معندكش مهنه وشغال على الله فهتكون حاجه من٣حاجات مالهموش رابع-عامل عادى-عامل نظافة-وحاجه تالته مش فاكرها ودى من غير اى حاجه هتاخدها بورقك العادى الموهل والميلاد وصورة البطاقة والجيش وبتدفع شهريا١٣٢جنية وكله بالحب بيمشي
ولازم تكتب المهنه علشان رجعونى لان بتوع مكتب العمل كتبوا بكالوريوس ودا معجبش بتوع التامينات 

٣-هتروح تشترى استمارة١١١بتاعت الكشف الطبي من اقرب مستشفى تامين ليك وتروح بيها اقرب مكتب تامينات للقطاع الخاص ليك ومعاك كعب العمل مهم جدا وصورة البطاقة علشان يختمولك عليها بختم النسر مرتين مرة على صورتك والمرة التانية تحت علشان تعرف تكشف حضرتك فى اللجنه الطبية لانك شغال على الله مين اللى هيختملك غيرهم
٤-بعد ما تختم تتصل بالرقم اللى فى الاستمارة ١٩٨٠٦علشان تحجز معاد للكشف وتدفع زى مانت عاوز١٥٠عادى و٢٠٠مستعجل وممكن يزيد لو انت عندك مهنه وفى كشوفات وفحصات طبيه تانية ممكن تطلب لان فى حالات كانت مريضة وطلبو منهم كده

٥-بعد ما تاخد ختم لائق كدة انت معاك الاستمارة الطبية تمام
كعب العمل تمام
صورة شهادة الميلاد تمام
صورة البطاقة تمام
الرقم التامينى تمام
تاخدهم وتطلع على التامينات وتشترى استمارة عمال مقاولات بجنية واحد وفى ورقة الموظفه هتقولك صورها اللى هيا هتبقى معاك علشان تسدد بيها كل شهر

٦-هيعملولك دوسيه بعد ما يشوفوا كل اوراقك وتعجبهم علشان ما يرجعوكش لاى مشكله تانى ممكن يختروعها  زى ناس كتير

٧-هتختم الورق اللى عاملوا من شباك ختم النسر واللى هوغالبا بيبقى مع حد تبع المدير وبعدين تنزل تدفع فى الخزنة وفى ناس دفعت شهرين ب٢٦٤جنية علشان المشوار ولو معاك تدفع اكتر من شهر ولا شهرين ولا ثلاثه ادفع وريح نفسك وتاخد ايصال مهم جدا تحتفظ بالايصالات طول عمرك وتورد الملف لسجل الوارد وياخد رقم وهناك انت لو مفهمتش حاجه اسال هناك
وبكدة تقدر تامن على نفسك لوحدك وبنفسك من غير ما تشتغل عند حد ولا تشوف شركة ولا تكون صاحب عمل
السلام عليكم ورحمه الله 

0 comments

إرسال تعليق