ا

الأربعاء، 26 يناير 2022

نصائح مطبخية لكل الستات والبنات الحلوه ديه

 بسم الله الرحمن الرحيم 

نصائح مطبخية لكل الستات والبنات الحلوه ديه

1-جربتى لما تيجى تعصجى اللحمة وانتى بتحطى المادة الدهنية تشوحى معاها فصين مستكة وقبل ما تطفى عليها تحطى كمان معلقة صويا صوص جربي يا قمريه
2-جربتى وانتى بتعملى الحواوشى تضيف معلقة طحينه او معلقة دقيق التكة دى بتخلى اللحمة متنزلش سوايل على العيش ومش هيبوش خصوصا في عجينه الحواوشى الاسكندراني جربى يا عسل

نصائح مطبخية لكل الستات والبنات الحلوه ديه
3-جربتى وانتى جايبة كمية بطاطس وخايفه تبوظ منك حطى راس توم هتساعد من انها تفضل فترة طويلة من غير ما تبوظ
4-جربتى وانتى بتخزنى الباميه تضيفى عصير ليمون عليها بكده هتحتافظ على خضارها 
5-جربتى وانتى بتعملى الكفتة تضيفى في الخلطة بتاعتها معلقة نشا ومعلقة بيكنج بودر وبياض بيضه بالطريقه دى عمرها ما هتفك ولا تكش منك 
6-لما تجيبى استرتش رول ويغلبك لما تيجى تستخدميه تحطيه قبلها بعشر دقايق فى الفريزر بالطريقة دى هيبقى سهل معاكى جدا وانتى بتستخدميه 
7-وانتى بتعملى الكيك تضيفى معلقة خل هتفرق جدا فى لون وهشاشة الكيك
8-جربتى برضوا معلقة الخل لما تيجى تفرمى التوم علشان تخزنيه ده بيخلى لون التوم فاتح لحد ما يخلص الكميه 
9-جربتى تنضفى ضهر الطاسات اللى مليانة دهون بالصنفرة الخشنة بجد رهيبة ونتايجها روعه

السلام عليكم ورحمة الله وبركاته

0 comments

إرسال تعليق