بسم الله الرحمن الرحيم
طريقه الصرف بفيزا ميزه وكيفية التقديم على معاش تكافل وكرامه
1-برنت من التامينات بان الزوج او الزوجه غير مومن عليهم
2-خطاب من المرور بعدم ملكية مركبه
3-خطاب من الجمعيه الزراعيه بعدم حيازة ملكية ارض زراعيه لو انت من بلد ارياف
4-الابناء من سن6سنوات الى سن18سنه ويكونو فى مراحل تعليميه مختلفه
5-صورة بطاقة الزوج والزوجه
6-شهادات ميلاد الابناء
7-قسيمة الزواج اوالطلاق او صوره من محضر الهجر اوشهادة وفاة
8-افادات من المدرسه لكل طالب من اولى ابتدائى الى المرحله الثانويه
9-صوره من بطاقة التموين
10-ثلاث ايصالات كهرباء 
تجمع كل المستندات المطلوبه دى وتروح الى مكتب الشئون التابع ليك لتقديم المستندات هى دى كل الاوراق المطلوبه للحصول ع معاش تكافل وكرامه
من المعروف انه تم استبدال فيزا تكافل وكرامة لفيزا ميزة للمستفيدين القائمين بالصرف
سواء لتكافل اولكرامة وتم تسليم المرحلة الاولى لعدد من المديريات وجاري الاعداد لتسليم المرحلة الثانية لفيزا ميزة لباقي المديريات باذن الله تعالي اما المستفيدين الجدد من هم في قوائم الانتظار والتفعيل سيتم تسليمهم قريبا لحد كده الكلام واضح
-حضرتك استلمت فيزا ميزة و دي هتصرفها سواء من مكتب البريد او من اي ماكينة بنكيةBTM
-ياريت اول صرفية بالفيزا الجديدة تكون من البريد علشان حضرتك تبقي عارف بتصرف كام وياريت تاخد برنت الصرف من موظف البريد وتحتفظ به اوتعمل استعلام على موقع الوزاره التضامن علشان تعرف بتصرف كام
-لوحضرتك هتصرف من ماكينة يبقي خد بالك حضرتك من كلامي ده كويس علشان منقولش انه حصل نقص اوخصم او زيادة خد بالك ماكينة الصرف البنكية فيها اوراق نقدية فئة ال200او100او50جنية معني كده ان الماكينة دي فيهاش فئة ال5او10او20جنيه ايه معني الكلام ده معناه لوحضرتك مثلا بتصرف480جنية
يبقي الماكينة هتصرفلك450جنية ويتم ترحيل ال30جنيه للشهرالتالي اللي مفروض هتصرف فيه قيمة الفيزا480جنيه مضاف ليها30جنيه المتبقية من الشهر السابق باجمالي510جنيه في الحالة دي الماكينة هتصرف لحضرتك مبلغ500جنيه ويتم ترحيل ال10جنيه للشهر التالي وهكذا بذلك لا نقصان اوزيادة في قيمة المنصرف وسوف يتم الصرف شهريا بين الصرف وترحيل اي قيمة اقل من50جنيه للشهر التالي اتمني تكون الفكرة وصلت حتي لايظن البعض ان هناك نقص اوزيادة فيم يستحق
السلام عليكم ورحمه الله وبركاته
0 comments
إرسال تعليق