بسم الله الرحمن الرحيم

ماهو الكشف الوظيفى لبطاقة الخدمات المتكامله 

يعنى بنتوظف بعدها ولا اية لا طبعا الكشف الوظيفى لاعلاقة له بالوظائف تماما طيب اية الكشف الوظيفى دة 
اقولك اية الكشف الوظيفى
طبقا لقانون رقم١٠لسنه٢٠١٨عشان يصدر لك بطاقة خدمات متكاملة لازم تمر بكشفين 
1-كشف طبى ودة تابع لوزارة الصحة
2-كشف وظيفى ودة تابع لوزارة التضامن وبتقوم به مكاتب التاهيل 
وهوعبارة عن مجموعة اسئلة بتتسالها وبتجاوب عليها 
وبيتحدد من خلالها تاثيرالاعاقة على حياتك كل وتصنيف الاعاقة طبقا لشدتها هل هى اعاقة شديدة ام بالغة الشدة ام متوسطة ام بسيطة ام بسيطة جدا
لان بناء على هذا بيتم تحديد كم الخدمات اللى هتاخدها من الدولة مستقبلا

لان مش كل ذوى الهمم لهم نفس الخدمات بمعنى ان قانون رقم١٠لسنة٢٠١٨قسم ذوى الهمم لثلاث مستويات 
المستوى الاول له كل الخدمات من الدولة من100٪الي75٪
المستوى الثانى له خدمات اقل من المستوى الاول من75% الى50٪ 
المستوى الثالث له خدمات اقل من المستويين من50٪ السابقين25٪

بعد ما بتعمل الكشف الوظيفى بتصدر بعدها بطاقة الخدمات لوالادارة العامة للتاهيل بوزارة التضامن صدقت على الورق المرفوع على السيستم من مكتب التاهيل 
لتذهب بعدها بياناتك الى الشركة المنتجة للبطاقات وهى شركة اى فاينينس 
ومن ثم تذهب البطاقة الى الوزارة ثم إلى البريد المصرى اوشركة التوصيل المنزلى للبطاقات حسب ماطلبتة من مكتب التاهيل اثناء الكشف الوظيفى 
وعشان تعمل كشف وظيفى امامنا كذا اختيار

اما ان تكون من المحافظات الغير الكثيفه بالسكان وبالتالي غير كثيفه بذوى الهمم وتروح على طوال لمكتب التاهيل بدون حجز موعد فى مكتب التاهيل من ع النت 

او تكون من ضمن المحافظات الكثيفه بالسكان وهنا كعملية تنظيمة لازم تحجز موعد من ع النت عشان مايبقاش مكاتب التاهيل بيستقل ناس كتير والموظفين مايعرفوش يشتغلوا من الزحمة 

لحجز كشف طبى للحصول على بطاقة الخدمات المتكامله اضغط هنـــــــــــا
لحجز موعد فى مكتب التاهيل للكشف الوظيفى اضغط هــــــــــنا