ا

الأحد، 17 يوليو 2022

خطوات حجز سياره للمعاقين والامراض2022

 بسم الله الرحمن الرحيم

خطوات حجز سياره للمعاقين والامراض2022

ناس كتير هتروح تكشف سيارات خليني اعرفكم علي الخطوات اللي بتم هناك عشان تبقي رايح وقاري المشهد ومتخليش حد من هناك يستغلك
اولاطبعا كل واحد عارف اعاقته ايه المطلوب منه يعمله من اوراق واشعات يعني لو اعاقه حركيه واضحه شلل رباعي اوشلل نصفي اوشلل دماغي وتخلف اوشلل اطفال واضح وظاهر بتحتاج تقرير طبي حكومي مفصل بحالتك وخلاص 

طب لو تيبس اوتغيير مفاصل اوشلل اطفال بسيط اوشلل اربي اوضمور عضلات اواي اعاقه حركيه مش واضحه بتحتاج لتقرير ورسم عصب وعضلات واي اشعات قديمه عندك 

لو اعاقه بصريه لاازم تجهز مجال ابصار ورسم كهربي علي شبكيه العين وتقريرطبي حكومي مختوم  

لواعاقه سمعيه هتحتاج مقياس سمع بدون سماعه وواحد بالسماعه وفحص اتزان ومقياس سمع كمبيوتر وتقرير طبي حكومي مختوم 

لواعاقه ذهنيه تقرير طبي واختبار ذكاء 

لو اعاقه امراض دم او امراض قلب بتحتاج لتقرير وتحاليل واشعات مايثبت اعاقتك
ثانيا لومعادك الساعه9هتكون هناك علي7كده ومش بعد كده عشان متتاخرش ولومعادك الساعه2تكون هناك علي11

تكون مجهز معاك دوسيه بلاستك مفتوح وتحط فيه التالي عدد4صور شخصيه 

عدد2صوره بطاقه

عدد2صوره كارت خدمات مع استماره الحجزويكون طبعا معاك اصل البطاقه واصل الكارت ويكون معاك فيزا ميزه يكون فيها مش اقل من700جنيه لانهم بياخدو 655

ثالثاهتروح علي البوابه الارضي اللي خلف المجالس وتسلم الاستماره وتاخد عليها رقم دورك وبعد ساعه تقريبا على8كده هتدخلو الدور الارضي ودي قاعه كبيره هتقعدوا فيها ويبداو ينادوا عليكم كل واحد بالرقم اللي مكتوب علي استمارته


رابعاهيطلب من كل واحد يكتب اسم الجمرك اللي عاوزه علي صوره البطاقه وتدخل علي الشباك تسلم الدوسيه اللي فيه الورق وبيدك استماره تدفع بيها655جنيه ودي فى الدور العلوي وهناك اسانسير للاعاقات اللي مش بتقدر تطلع سلالم
خامسايبداو يقسموا كل اعاقه في مكان الاعاقه الحركيه لوحدها والاعاقه البصريه لوحدها وهكذا بس مكان الدفع واحد
سادسابتروح تدفع بالفيزا655ولو مش معاك فيزا هناك سماسره بياخد منك100جنيه وبيدك الفيزا تدفع بيها
سابعابتنتظر اللجنه تنعقد وتبدا كشف بتجهز تقارير واشعاتك في ايدك واول ماينادو علي اسمك بتدخل علي اللجنه بتبصم علي صورتك والموظف بيكتب البيانات 

لحجز كشف السياره  اضغط هنا

السلام عليكم ورحمه الله

0 comments

إرسال تعليق