بسم الله الرحمن الرحيم 

10نصائح مطبخية واكتر وتوفيرمفيد لبيتك وحياتك 

1-🍑البشاميل اعملى نصه لبن ونصه شوربه اخف واوفر
2-🍑الفيجيتار اى فينو مكسراوبقسماط اطحنيه مع توابلك مثل ملح -فلفل-كارى-كركم -بصل وتوم بودر-ببريكا-وشطة
3-🍑الفاكهه لو دبلت اوطريه قطعيها ورشى عليها سكر واحفظيها كمبوت
4-🍑خيار اوجزر دبلان قطعيه فى برطمان وميه وملح وليمون واعمليه مخلل
5-🍑قشر الليمون ده ممكن تعملى فيه كذا حاجه جمعيه وخلليه اواغليه فى شويه ميه وزودى بيه صابون المواعين او اغسلى بيه السيراميك اوانقعى فيه الملابس البيضا او حطى عليه شوية خل وتغسلى بيه عيون البوتجاز
6-🍑قلب البتنجان اللى بتقوريه شوحيه فى معلقه زيت واضربيه مع فلفل اخضر ومعلقتين زبادى وطحينه ومعلقة مايونيزوشوية بقدونس واعمليه بابا غنوج
7-🍑احفظى وش اللبن وجمعيه فى الفريزر واعملى منه قشده لاي استخدام بعد كده تفيدك
8-🍑اعملى الطحينه فى البيت سمسم ودقيق وزيت و دمسى الفول فى البيت للفطار
9-🍑حاجه كمان مهمه انزلى السوق الشعبى اشترى حاجتك مش من الماركت ارخصلك و خديها بنيه صدقة خفية جارية لان الناس دي اولى بالمكسب
10-🍑الرز الباقى ممكن تعمليه رز معمر مع قطعتين لحمه او ربع فرخه ولبن ودخليه الفرن
او تشليه لما تعملى كشرى او تفرميه مع الكفته
11-🍑اتبقى سمكه مقليه شليها ولما تعملى تانى طلعيها فى صنيه مع بصل وطماطم وليمون💝
12-🍑بواقى الكيك اللى بينشف ممكن تفرميه وتعمليه ترافيل بالشيكولاته
13-🍑قشر البرتقال اليوسفى بيتحط فى المش بيديله طعم جميل وممكن تنشفيه وتطحنيه بيعمل ريحه روووعه فى البيت
14-🍑المكرونه الباقيه حطيها فى الفريزر وفى اى يوم طلعيها فى صنيه وعليها معلقه صلصه ع الوش ودخليها الفرن وجنبها بطاطس محمره وسلطه

15-🍑لو اللبن راب وقطع صفيه واعمليه جبنه قريش
16-🍑بواقى الجبنه اللى بتنشف اضربيها فى الكبه مع معلقه قشطه هتبقى جبنه كريمى ومع طماطم اوفلفل اخضر او زيتون الف هنا 
17-🍑الطبيخ اللى بيتبقى جمعى كل نوع لوحده واخرالاسبوع اعمليه تورلى
18-🍑البرتقال هاتيه وتعصريه يدوى وتخزنيه مع جزر يبقه احلى عصير
19-🍑الفراوله هاتيه واغسليها وتخزينها حلوة اوى وبتسهل عليكى تعب كل يوم هتشربى عصير ايه
20-🍑جمعى الاجنحة والكبد والقوانص ممكن تعملى اكله بيهم او تحطيهم فى حلة محشى
21-🍑توابلك قبل ما تطحنيها حمصيها عشان متسوسش وخصوصا في الصيف وكمان تحتفظ باالطعم بتاعها
22-🍑 لما يجي موسم الخس ده هاتيه وتنظيفه ومتغسلهوش عشان ميسودش لفيه فى فوطة ولماتحبى تاكليه تطلعيه وانقعيه بماء وخل كأنه طازه
23-🍑بواقى الفراخ اواللحمة قطعها
وممكن تعملى بيها شاورما اوتعملى بيها سندوتشات 
24-🍑عايزة تشربى شاى مظبوط هاتى برطمان ازاز وتلخبطى كم نوع على بعض بيدى لون وطعم خرافة 
25-🍑اعملى توابل للشوربة فلفل-ورق لورا-حبهان -زعتر-روز مارى وتطحنيهم مع بعض ولما تعملى شوربة حطى ربع معلقة صغيرة ياسلام

السلام عليكم ورحمة الله وبركاته